Brizer Trit
Brizer Trit – brizerlash uchun maxsus eritma bo’lib, nafas olish a’zolarining yallig’lanish kasalliklarida osmotik ta’sir orqali nafas olish yo’llari shilliq qavatining sekretsiyasini suyultirish va chiqarilishini osonlashtiradi.
Eritma infeksion va allergik kasalliklarda hosil bo’lgan sekretni faol ravishda suyultirish va chiqarish qobiliyati tufayli yuqori nafas yo’llari shilliq qavatlarining himoya xususiyatlarini rag’batlantiradi.
Ko’rsatmalar:
- burun-halqum, burun va yondosh bo’shliqlarining o’tkir va surunkali kasalliklari;
- bolalarda adenoid gipertrofiyasi;
- doimiy va mavsumiy allergik rinitda burun shilliq qavatining shishini kamaytirish, sekretni suyultirish va nafas olishni osonlashtirish;
Brizer Trit eritmasi bilan nafas olish uchun Brizer AirOks Mesh VP-M3 nebulayzeri ishlatiladi.
Qadoqning tarkibi:
4 ml (ml) dan polimer konteynerlarda, 10 konteynerdan karton qutida.
Chiqarish shakli
4 мл
Sotish bozorlari
Украина, Узбекистан
Ko'rsatmalar
ТИББИЙ БУЮМНИ ТИББИЁТДА ҚЎЛЛАШ БЎЙИЧА ЙЎРИҚНОМА
Breather Treat (Бризер Трит)Ингаляцион ва интраназал юбориш учун стерил эритма
Таркиби
1 ml (мл) эритма қуйидагиларни сақлайди : натрий хлориди – 30,0 mg (мг).
Қадоқнинг таркиби
4 ml (мл) дан полимер контейнерларда, 10 контейнердан картон қутида.
Таърифи:
Breather Treat (Бризер Трит) ‒ ингаляцион ва интраназал юборилиш учун стерил эритма, у осмотик самара туфайли нафас олиш аъзоларининг яллиғланиш касалликлари бўлган пациентларда юқори ва қуйи нафас йўллари шиллиқ қавати секретини суюлтириш ва чиқарилишини яхшилаш йўли билан нафас олишни енгиллаштиради. Эритма инфекцион ва аллергик касалликларда ҳосил бўладиган ажралмаларни фаол тарзда суюлтириш ва чиқариш қобилияти туфайли юқори нафас йўллари шиллиқ қаватларининг ҳимоя хусусиятларини рағбатлантиради. Нафас йўлларининг мажмуавий терапиясида, шу жумладан Breather AirOx (Бризер АйрОкс) ингаляцион тизимини қўллаш учун қўлланилади.
Мақсадли буюрилиши
Breather Treat (Бризер Трит) шиллиқ қават шишишини камайтириш, секретни суюлтириш ва нафас олишни енгиллаштириш учун мўлжалланган.
Қўлланилиши
Ўткир респиратор вирусли инфекциялар, грипп, ларингитлар, трахеитлар, бронхитлар, бронхиолитлар, муковисцидоз, бронхоэктатик касаллиги ва ўпкаларнинг сурункали обструктив касалликлари. Шунингдек, бурун ҳалқум, бурун бўшлиғи ва бурун ёндаш бўшлиқлари ўткир ва сурункали касалликларида, болаларда аденоидлар гипертрофиясида, йил бўйи ва мавсумий аллергик ринитда қўлланилади.
Қўллаш мумкин бўлмаган ҳолатлар
Тиббий буюмнинг қандайдир компонентига юқори индивидуал сезувчанликда қўллаш мумкин эмас.
Мақсадли гуруҳи (популяцияси)
Нафас йўллари шиллиқ қавати шишини камайтиришга, секретни суюлтиришга ва нафас олишни енгиллаштиришга муҳтож бўлган шахслар.
Қўллаш усули
Breather AirOx (Бризер АйрОкс) ингаляцион тизими ёрдамида қўллаш
Эритманинг ингаляциясини юзга махсус ниқоб, мундштук (загубник) ёки назал канюля тақиб Breather AirOx (Бризер АйрОкс) ингаляцион тизим ёрдамида ўтказиш мумкин.
Болаларга қўллашда (туғилишидан бошлаб): 1 дан 4 ml (мл) гача эритма қўлланилсин.
Дозаси, давомийлиги ва қўллаш тез-тезлиги шифокор томонидан белгиланади.
Катталарга қўллашда: кунига 2 марта бир контейнердан фойдаланилади. Зарурат бўлганида фойдаланиш тез тезлиги кунига 4 мартагача оширилиши мумкин.
1. Breather AirOx (Бризер АйрОкс) ингаляцион тизимини фойдаланишга тайёрлаб қўйинг.
2. Фольгадан қилинган пакетни очинг ва бир марталик контейнерни ажратиб олинг.
Контейнер шикастланмаганлигига ишонч ҳосил қилинг.
3. Ажратиб олинган контейнерни силкитинг. Бошқа контейнерларни фольгали пакетда қолдиринг ва уларни картон қутига жойлаштиринг. Зарурат бўлмаса контейнерларни пакетдан чиқарманг.
4. Контейнерни юқори четидан ушлаб, уни очиш учун бошқа четини буранг.
5. Контейнерни очилган четини пастга қаратиб Breather AirOx (Бризер АйрОкс) ингаляцион тизимига жойлаштиринг ва бироз босинг. Ҳамма эритма мосламанинг резервуарига оқиб тушганига ишонч ҳосил қилинг.
6. Breather AirOx (Бризер АйрОкс) тизимининг резервуарини ёпинг ва мақсадга мувофиқ фойдаланинг.
Фойдаланиб бўлгандан кейин Breather AirOx (Бризер АйрОкс) ингаляцион тизимини ювиб ташланг, эритма қолдиқларини утилизация қилинг.
Муолажани бошлашдан олдин, Breather AirOx (Бризер АйрОкс) ингаляцион тизимидан фойдаланиш бўйича кўрсатмаларни ўқиб чиқинг. Breather AirOx (Бризер АйрОкс) ингаляцион тизимидан фойдаланиш бўйича кўрсатмаларга риоя қилинг.
Интраназал юбориш
Ҳар бир бурун йўлига катталарга – 3 томчидан; болаларга – 1-2 томчидан суткада 3-4 марта қўлланилади.
Катталар учун қўллаш усули: муолажадан олдин қўлларни совун билан ювиш керак ва бурун йўлларини ажралмаларидан бурун орқали кескин нафас чиқариш орқали тозалаб ташлаш керак. Эритма оқиб кетишини олдини олиш учун ётиш ёки ўтириш ва бошни орқага ташлаб, кейин эритмани томизиш керак. Эритмани ўнг бурун йўлига томизишда бошни бироз орқага ташлаб, чап томонга энгаштириш керак ва аксинча, чап бурун йўлига томизишда бош ўнг томонга энгаштирилиши керак. Томизилгандан кейин бошни орқага ташлаган ҳолда 2 минут давомида ётган маъқул, шундан кейин бурун йўлларини суюлтирилган ажралмалардан тозалаб ташлаш лозим. Юздаги эритма қолдиқларини салфетка билан артиб ташлаш лозим.
Болалар учун қўллаш усули: Муолажани бошлашдан олдин қўллар совун билан ювилиши ва боланинг бурун йўллари эҳтиёткорлик билан ажралмалардан бўшатилиши керак. Бурун секретдан тозалангандан кейин эритма ҳар бир бурун йўлига томизилади. Эритмани ўнг бурун йўлига томизишда боланинг боши бироз орқага ташланиб, чап томонга энгаштирилиши керак ва аксинча, чап бурун йўлига томизишда боланинг боши ўнг томонга энгаштирилиши керак. Томиздирилгандан кейин бола бошини орқага ташлаган ҳолда 2 минут давомида ётгани маъқул, шундан кейин болани ўтқизиб, бурун йўлларини суюлтирилган ажралмалардан тозалаб ташлашга ёрдам бериш лозим. Юздаги эритма қолдиқларини салфетка билан артиб ташлаш лозим.
Ножўя реакциялари
Эритма компонентларини индивидуал ўзлаштираолмаслиги бўлган шахсларда юқори сезувчанлик реакциялари бўлиши мумкин. Кам ҳолларда бурун шиллиқ қаватининг гиперемияси, бош айланиши, йўтал ёки бронхоспазм пайдо бўлиши мумкин.
Қандайдир ножўя реакциялар пайдо бўлган ҳолларда тиббий буюмдан фойдаланишни дарҳол тўхтатиб, шифокорга ёки ишлаб чиқарувчига хабар бериш лозим.
Чекловлар, эҳтиёткорлик чоралари ва огоҳлантиришлар
– Эритма фақат ингаляцион ёки интраназал юбориш йўли орқали фойдаланишга мўлжалланган. Буюмдан қўллаш бўйича йўриқномасига биноан фойдаланинг. Агар
Сизда саволлар бўлса, қўллашдан олдин шифокор билан маслаҳатлашинг.
– Болалар томонидан фойдаланиш катталар назорати остида бўлиши керак!
– Тиббий буюмдан фойдаланишдан олдин қадоқнинг бутлигини ва яроқлилик муддатини текшириб кўринг. Датслабки қадоғи шикастлангандан ёки яроқлилик муддати ўтиб кетган бўлса, буюмдан фойдаланманг.
– Бошқа эритмалар ёки дори воситалари билан аралаштирилмасин!
– Буюм фақат бир марта фойдаланишга мўлжалланган. Такроран фойдаланиш касаллик юқишига олиб келиши мумкин. Такроран фойдаланманг.
– Тиббий чиқиндиларни утилизация қилиш бўйича маҳаллий талабларга биноан утилизация қилинг.
Сақлаш шароитлари
Қуёш нурларидан ҳимояланган, ҳарорати +5 °С дан +30 °С гача бўлган жойда сақланг.
Болалар ололмайдиган жойда сақланг.
Яроқлилик муддати
2 йил. Яроқлилик муддати шикастланмаган қадоқда сақлаш шароитларига риоя қилинганда амал қилади.
Ишлаб чиқарувчининг номланиши ва манзили
«Юрия-фарм» МЧЖ, Украина, 03038, Киев ш., Н. Амосов кўч., 10.
Тел.: +38 (044) 275-92-42, +38 (044) 275-01-08.
E-mail: uf@uf.ua
www.uf.ua
Ишлаб чиқариш манзили: Украина, 18030, Черкассы ш., Кобзарская кўч., 108.
Тиббий буюм ҳақида фикр-мулоҳазаларингиз бўлса ёки изоҳ қолдирмоқчи бўлсангиз, қуйидаги усуллардан бирини қўлланг:
1) Электрон почтага хат юборинг feedback@uf.ua;
2) +38 (095) 275-33-01 рақамига Viber, Telegram ёки WhatsApp орқали матнли хабар юборинг
3) +38 (095) 275-33-01 ёки +38 (0800) 401-771 рақамларига қўнғироқ қилинг (ушбу рақамларга қўнғироқлар – операторингиз тарифларига мувофиқ тўланади.
Охирги қайта кўришнинг санаси: 22.08.2023. Версияси: 02.
