Home » Brizer tizimi » Brizer Baryer

Brizer Baryer

Brizer Baryer – yuqori nafas yo’llarining shilliq qavatini allergenlar, chang va mikroorganizmlardan tozalash va namlash, (shuningdek, Brizer AirOks tizimida foydalanish uchun) «brizerlash» muolajasi uchun maxsus eritma.

Ko’rsatmalar:

konditsionerlar (shu jumladan avtomobil konditsionerlari), isitgichlar va radiatorlar tufayli quruq havo bo’lgan xonalarda yuqori nafas yo’llarining shilliq pardalarini gigiyenik parvarish qilish, namlash va tozalash.
yuqori nafas yo’llarining shilliq qavatini gullash davrida allergenlar va ifloslangan havo changidan tozalash.
burun va yondosh bo’shliqlari shilliq qavati quruqligi va shilliq hosil bo’lishi (atrofik, allergik, medikamentoz rinit) bilan kechadigan kasalliklarni davolash.
burun va yondosh bo’shliqlarida jarrohlik aralashuvlardan keyin.
brizer Baryer – bilan «brizerlash» jarayonida Brizer AirOks Mesh VP-M3 nebulizer ishlatiladi.

Qadoqning tarkibi:

4 ml (ml) dan polimer konteynerlarda, 10 tadan karton qutida.

Chiqarish shakli

4 мл

Sotish bozorlari

Украина, Узбекистан

Ko'rsatmalar

ТИББИЙ БУЮМНИ ТИББИЁТДА ҚЎЛЛАШ БЎЙИЧА ЙЎРИҚНОМА

Breather Barrier (Бризер Барьер) Ингаляцион ва интраназал
юбориш учун стерил эритма

Таркиби
1 ml (мл) эритма қуйидагиларни сақлайди: натрий хлориди – 9,0 mg (мг).

Қадоқнинг таркиби
4 ml (мл) дан полимер контейнерларда, 10 тадан картон қутида.

Таърифи
Breather Barrier (Бризер Барьер) ‒ингаляцион ва интраназал юбориш учун стерил эритма.
Бу одам организми суюқликлари билан киришишга мослаштирилган концентрациялардаги табиий, изотоник тузли эритма. Юқори нафас йўлларини аллергенлар, микроорганизмлар ва чангдан тозалашда, жумладан Breather AirOx (Бризер АйрОкс) ингаляцион тизимида ишлатишда қўлланилади.

Мақсадли буюрилиши
Breather Barrier (Бризер Барьер) юқори нафас йўлларини намлантириш ва тозалаш учун мўлжалланган.

Қўлланилиши
Кондиционерлар (жумладан автомобилдаги), иситгичлар, марказий иситиш тизими радиаторлари туфайли ҳавоси қуриган хоналарда, ҳаво парвозларида юқори нафас йўлларини гигиеник парвариш қилиш, намлантириш ва ўсимликларнинг гуллаши пайтидаги аллергенлардан, ифлосланган ҳаво шароитларида мавжуд бўлган чанглардан тозалаш учун. Шиллиқ қавати қуриши ёки шилимшиқ ҳосил бўлиши билан кузатиладиган бурун шиллиқ қавати ва ён бўшлиқлари касалликлари (атрофик, аллергик, инфекцион, дорили ринит) бўлган беморларда қўллаш учун.
Қон-томирларини торайтирувчи маҳаллий воситаларни қўллашда ёрдамчи восита сифатида.
Бурун ва бурун ёндош бўшлиқларидаги жарроҳлик аралашувидан кейин.
Шунингдек, ишлаб чиқарувчининг йўриқномасига биноан ингаляцион воситаларни суюлтиришда ишлатиш мумкин.

Қўллаш мумкин бўлмаган ҳолатлар
Тиббий буюмнинг қандайдир компонентига юқори индивидуал сезувчанликда қўллаш мумкин эмас.

Мақсадли гуруҳи (популяцияси)
Юқори нафас йўлларининг намлантирилишига ва тозаланишига муҳтож бўлган чақалоқлар, болалар ва катталар.

Қўллаш усули
Breather AirOx (Бризер АйрОкс) ингаляцион тизими ёрдамида қўллаш
Breather Barrier (Бризер Барьер) эритмасининг ингаляциясини юзга махсус ниқоб, мундштук (загубник) ёки назал канюля тақиб Breather AirOx (Бризер АйрОкс) ингаляцион тизим ёрдамида ўтказиш лозим.
1. Breather AirOx (Бризер АйрОкс) ингаляцион тизимини фойдаланишга тайёрлаб қўйинг.
2. Фольгадан қилинган пакетни очинг ва бир марталик контейнерни ажратиб олинг.
Контейнер шикастланмаганлигига ишонч ҳосил қилинг.
3. Ажратиб олинган контейнерни силкитинг. Бошқа контейнерларни фольгали пакетда қолдиринг ва уларни картон қутига жойлаштиринг. Агар бунга зарурат бўлмаса, контейнерни пакетдан чиқарманг.
4. Контейнерни юқори четидан ушлаб, уни очиш учун бошқа четини буранг.
5. Контейнерни очилган четини пастга қаратиб Breather AirOx (Бризер АйрОкс) ингаляцион тизимига жойлаштиринг ва бироз босинг. Ҳамма эритма мосламанинг резервуарига оқиб тушганига ишонч ҳосил қилинг.
6. Breather AirOx (Бризер АйрОкс) тизимининг резервуарини ёпинг ва мақсадга мувофиқ фойдаланинг.
Фойдаланиб бўлгандан кейин Breather AirOx (Бризер АйрОкс) ингаляцион тизимини ювиб ташланг, эритма қолдиқларини утилизация қилинг.

Муолажани бошлашдан олдин, Breather AirOx (Бризер АйрОкс) ингаляцион тизимидан фойдаланиш бўйича кўрсатмаларни ўқиб чиқинг. Breather AirOx (Бризер АйрОкс) ингаляцион тизимидан фойдаланиш бўйича кўрсатмаларга риоя қилинг.

Интраназал юбориш
Терапевтик мақсадларда ҳар бир бурун йўлига катталарга – 2 томчидан; 1 ёшдан катта болаларга – 1-2 томчидан; 1 ёшгача бўлган болаларга – 1 томчидан суткада 3-4 марта, гигиеник мақсадларда – суткада 1-4 марта қўлланилади.
4 ҳафтагача қўлланилсин.
Катталар учун қўллаш усули: муолажадан олдин қўлларни совун билан ювиш керак ва бурун йўлларини ажралмалардан бурун орқали кескин нафас чиқариш орқали тозалаб ташлаш керак. Эритма оқиб кетишини олдини олиш учун ётиш ёки ўтириш ва бошни орқага ташлаб, кейин эритмани томизиш керак. Эритмани ўнг бурун йўлига томизишда бошни бироз орқага ташлаб, чап томонга энгаштириш керак ва аксинча, чап бурун йўлига томизишда бош ўнг томонга энгаштирилиши керак. Томизилгандан кейин бошни орқага ташлаган ҳолда 2 минут давомида ётган маъқул, шундан кейин бурун йўлларини суюлтирилган секретдан тозалаб ташлаш лозим. Юздаги эритма қолдиқларини салфетка билан артиб ташлаш лозим.
Болалар учун қўллаш усули: Муолажани бошлашдан олдин қўллар совун билан ювилиши ва боланинг бурун йўллари эҳтиёткорлик билан ажралмадан бўшатилиши керак. Бурун секретдан тозалангандан кейин эритма ҳар бир бурун йўлига томиздирилади. Эритмани ўнг бурун йўлига томизишда боланинг боши бироз орқага ташланиб, чап томонга энгаштирилиши керак ва аксинча, чап бурун йўлига томизишда боланинг боши ўнг томонга энгаштирилиши керак. Томиздирилгандан кейин бола бошини орқага ташлаган ҳолда 2 минут давомида ётгани маъқул, шундан кейин болани ўтқизиб, бурун йўлларини суюлтирилган ажралмадан тозалаб ташлашга ёрдам бериш лозим. Юздаги эритма қолдиқларини салфетка билан артиб ташлаш лозим.

Ингаляцион дори воситаларини суюлтириш учун 2‒4 ml (мл) эритма қўлланилади. Фақат
йўриқномасида 0,9% натрий хлориди физиологик эритмаси билан суюлтириш мумкинлиги
кўрсатилган дори воситаларини суюлтириш учун.

Ножўя реакциялари
Буюмнинг компонентларини индивидуал ўзлаштираололмаслиги бўлган шахсларда юқори
сезувчанлик реакциялари бўлиши мумкин. Қандайдир ножўя реакциялар пайдо бўлган
ҳолларда тиббий буюмдан фойдаланишни дарҳол тўхтатиб, шифокорга ёки ишлаб
чиқарувчига хабар бериш лозим.

Чекловлар, эҳтиёткорлик чоралари ва огоҳлантиришлар
– Эритма фақат ингаляцион ёки интраназал юбориш йўли орқали фойдаланишга. мўлжалланган. Буюмдан қўллаш бўйича йўриқномасига биноан фойдаланинг. Агар Сизда саволлар бўлса, қўллашдан олдин шифокор билан маслаҳатлашинг.
– Болаларга катталарнинг назорати остида қўлланилсин.
– Тиббий буюмдан фойдаланишдан олдин қадоқнинг бутлигини ва яроқлилик муддатини текшириб кўринг. Датслабки қадоғи шикастлангандан ёки яроқлилик муддати ўтиб кетган бўлса, буюмдан фойдаланманг.
– Буюм фақат бир марта фойдаланишга мўлжалланган. Такроран фойдаланиш касаллик юқишига олиб келиши мумкин. Такроран фойдаланманг.
– Тиббий чиқиндиларни утилизация қилиш бўйича маҳаллий талабларга биноан утилизация қилинг.

Сақлаш шароитлари
Қуёш нурларидан ҳимояланган, ҳарорати +5 °С дан +30 °С гача бўлган жойда сақланг.
Болалар ололмайдиган жойда сақланг.

Яроқлилик муддати
2 йил. Яроқлилик муддати шикастланмаган қадоқда сақлаш шароитларига риоя қилинганда амал қилади.

Ишлаб чиқарувчининг номланиши ва манзили
«Юрия-фарм» МЧЖ, Украина, 03038, Киев ш., Н. Амосов кўч., 10.
Тел.: +38 (044) 275-92-42, +38 (044) 275-01-08.
E-mail: uf@uf.ua
www.uf.ua
Ишлаб чиқариш манзили: Украина, 18030, Черкассы ш., Кобзарская кўч., 108.
Тиббий буюм ҳақида фикр-мулоҳазаларингиз бўлса ёки изоҳ қолдирмоқчи бўлсангиз, қуйидаги усуллардан бирини қўлланг:
1) Электрон почтага хат юборинг feedback@uf.ua;
2) +38 (095) 275-33-01 рақамига Viber, Telegram ёки WhatsApp орқали матнли хабар юборинг
3) +38 (095) 275-33-01 ёки +38 (0800) 401-771 рақамларига қўнғироқ қилинг (ушбу рақамларга қўнғироқлар – операторингиз тарифларига мувофиқ тўланади.